Koala Voice, омилениот бенд на новите генерации во регионов, за испраќање на 2018-та без посебна најава го објави албумот Woo Horsie. Како што самите велат, ова издание „ноншалантно го извлекоа од задниот џеб на износените фармерки.“ Woo Horsie е „уникатен проект, герила, со важна напомена животот да не се сфаќа толку сериозно. Проект со панк став и поп призвук.“

На албумот чиј продуцент е Јуре Влаховиќ и трае нешто повеќе од половина час, се наоѓаат 11 песни.

  1. Early Bird
  2. I Used to Smell Nice.
  3. Dumdidada
  4. Touch
  5. Johnny +Self-respect
  6. Helena
  7. By car
  8. Daily Towel Motion
  9. Funky Cherry
  10. Macbeth
  11. Ker tu je vse tako lepo.

Словенците Koala Voice се бенд кој со својата комбинација на инди-панк, поп и диско звук повеќе од четири години ја освојуваат публиката од Ливерпул, Москва, преку Загреб, па сѐ до Скопје, Варшава и Талин. По успешниот игрив и мелодичен првенец „Kangaroo’s a Neighbour“, во 2017-та излезе студиското дело „Wolkenfabrik“ кој уште еднаш го врати во фокус заразниот ритам и моќните вокали на бендот, а кој го продуцираше Danton Supple, познат по соработките со имиња како Coldplay, Ian Brown или Morrissey. Албумот беше вклучен во листата за топ 5 регионални изданија од страна на порталот Muzika.hr , нарекувајќи ги Koala Voice бендот кој треба да се слуша и следи бидејќи набргу би можел да стане многу голем.

Со своите настапи во Македонија, од кои последните два ги одржаа на ланскиот Д Фестивал, Koala Voice веќе освоија верна публика и кај нас. И токму нивните настапи како ланскиот на фестивалот Inmusic, оној како предгрупа за легендарните Pixies во Љубљана, или на некои од најдобрите фестивали во Европа како што се EXIT и Pohoda секако потврдуваат дека бендот мора да погледнете во живо.

Во 2018-та го објавија Unplugged албумот, а годината ја завршија со третиот албум Woo Horsie.

Koala Voice се: Манца Трампус (гитара, вокал), Миха Прашникар (тапани), Тилен Прашникар (бас гитара) и Домен Дон Холц (гитара).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.