Младата Дина Јашари, едно од најдобрите освежувања на македонската музичка сцена деновиве ја промовира својата нова песна „Досада”. Автор на песната е Јашари, а аранжманот го направи заедно со Драги Иванов, кој исто така стои зад миксот.

„Досада“ има и свој видеозапис режиран од Борјан Стојков, снимен од Мирослав Илиќ, монтажата и продукцијата се на Давид Николовски во соработка со Пирка АВХ. Главната улога во спотот (покрај Дина) ја игра Лазар Христов, а за момент се појавува и Лука Тошев. Стајлингот е на Сара Стојчевска, во соработка со Игралиште и Cactus Design.

Песната е направена помеѓу тие четири ѕидови каде што бев приморана да бидам, во мојата соба, во досада, во времето што застана и мислевме дека никогаш нема да се врати во нормала. Како што се гледа во видеото, правењето музика го користев како начин за убивање досада, вели Јашари.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.