Британскиот актер Питер Мејхју, кој во пет филмови од серијата „Војна на ѕвездите“ го глумеше Чубака, почина на 74-годишна воздраст во својот дом, соопшти неговото семејство. Мејхју починал во вторникот, во неговата куќа во Тексас.

Причините за смртта не се соопштени.

Чубака, познат и како Чуи, беше силен војник со меко срце, тело покриено со крзно, копилот на бродот „Милениумски сокол“ и лојален помошник на Хан Соло, кој го толкуваше Харисон Форд.

„Питер Мејхју, беше љубезен и мек човек, со големо достоинство и великодушен карактер“, изјавил Форд во соопштението.

Форд додал дека со Мејхју не бил само партнер во филмот туку и долгогодишен пријател, повеќе од 30 години.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.