Поради финансиската состојба во светот, челните луѓе на „Нетфликс“, одлучија малку да го подзапрат ​​трошењето.

Според донесената одлука, компанијата планира во следните неколку години да троши по околу 17 милијарди долари годишно за нови содржини.

Поминавме низ прилично големи деловни транзиции. Станавме „попаметни“ и сега може да ги насочиме нашите трошења за да имаат поголемо влијание – изјави финансискиот директор, Спенсер Нојман.

Илон Маск: „Нетфликс“ станува негледлив поради инсистирањето на Културата на будност

Иако порано трошеа до 20 милијарди долари годишно, пандемијата остави белег на најголемата стрим-платформа во светот. Конкретно, „Почудни нешта 4“ (Stranger Things 4) им помогна да ги задржат претплатниците, но им донесе и повеќе трошоци.

Особено таа серија беше погодена од Ковид поради младата актерска екипа, големината и обемот на продукцијата и бројот места на кои снимавме. Беше многу скапо да се испорача таа серија… Финансиското влијание на таа серија беше поголемо од она на други проекти – вели еден од извршните директори, Тед Сарандос.

Една од причините за намалувањето на сезоната било времетраењето на снимањето бидејќи многу од него било забавено и поради претходни прекини и внимавањето за глумците да не се заразат со корона вирус.

Претходно беше објавено дека „Нетфликс“ за три месеци изгубил околу 970.000 претплатници.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.