Славниот холивудски актер Кирк Даглас, чиишто улоги ја одбележаа кинематографијата на 20 век, денеска го прославува 103 роденден.

Семејството Даглас повторно се собра за да прослави, а на „Инстаграм“ му честиташе неговиот внук Камерон, од синот Мајкл.

Среќен роденден Папи, ти си подарок на светот, ѕвезда водилка и моја инспирација, порача Камерон.

 

View this post on Instagram

 

Happy Birthday Pappy…you are a gift to the world; a guiding light and source of inspiration to me. I Love you. #103 to #infinity

A post shared by Cameron Douglas (@cameronmorrelldouglas) on

Од почетокот на филмската кариера во 1946 година, Кирк Даглас оствари повеќе од 90 филмски улоги, а ќе остане запаметен и по филмовите „Шампион“, „Пресметка кај ОК коралот“, „Патеки на славата“, „Последниот воз од Ган Хил“, „Спартак“ и многу други.

Тој трипати беше номиниран за наградата „Оскар“ за главна машка улога, но златната статуетка ја крена само еднаш, и тоа во 1996 година кога доби „Оскар“ за животно дело.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.