Српската пејачка Неда Украден го обожаваше Предраг Живковиќ Тозовац, кој почина денеска на 86 – годишна возраст од последиците од коронавирусот.

Со голема тага се присети на последните разговори со пејачот и неговата сопруга Мима, но и на времето кога таа за прв пат се преселила во Белград и кога тој ѝ помогнал, како што вели, како нејзин татко.

Тој не беше само најдобриот пејач и колега, туку и мој пријател, и кој многу го ценев како автор и како пејач, голем шармер и господин. Се знаеме од 1972 година, кога потпишав договор со белградската естрада, а покрај него, таму беше и Лепа Лукиќ и многу други пејачи. Кога во 1992 година ги изгубив семејството, родителите и семејството, Тозовац ми беше татко и пријател, ми се најде за сè и тоа никогаш не можам да го заборавам, изјави Неда Украден.

Таа додаде дека она што е прекрасно е што Тозовац остави големо наследство во ноти, песни и текстови што ги имаше напишано.

Ќе остане дел од сите нас засекогаш. Тој секогаш ги славеше љубовта и жената, а не кафаната. Тоа секогаш беа очите на жената и љубовта, заклучи Украден.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.