Цеца Ражнатовиќ не ја крие радоста што стана баба, откако нејзиниот првенец Вељко Ражнатовиќ и сопругата Богдана Родиќ ѝ го подарија првото внуче, кое го крстија Жељко.

Пристигнувањето на новиот член на семејството донесе голема радост, особено поради тоа што го носи името на својот трагично загубен дедо, Жељко Ражнатовиќ Аркан.

Токму затоа, младиот боксер, како што самиот откри во едно свое интервју, му се молел на Бога да добие син, кој ќе го крсти по својот покоен татко, без кој остана многу мал, а никогаш не криеше колку му недостасувал во животот.

И покрај тоа што има 47 години, а веќе е баба, популарната пејачка во секоја пригода покажува колку е среќна поради новите околности во своето семејство, па на својот инстаграм-профил објави фотографија, во чиј опис кратко, но емотивно напиша:
„Мојот Вељко и мојот Жељко“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.