И жените и мажите изневеруваат, но тоа го прават од различни мотиви, за кои може многу да се зборува.

Неодамнешна студија на компанијата „Health Testing“, покажуваат дека 20% од оженетите мажи и 13% од мажените жени ги изневеруваат своите партнери, а само 16% од паровите преживуваат неверство.

Неверство признале 441 лице, а повеќе од половина од испитаниците (54,5%) раскинале веднаш откако вистината излегла на виделина. Останатите 30% се обиделе да ја спасат врската, но без успех, а само 15,6% од паровите ја преживеале измамата.

Статистичките податоци за тоа дали луѓето одлучиле да останат заедно или не, се разликуваат во зависност од статусот на нивната врска.

Скоро една четвртина (23,6%) од брачните парови решиле да се обидат да ги решат работите, наспроти само 13,6% од луѓето кои биле во врска.

Има разлики и во однос на полот по прашањето за последиците од изневерувањето – двојно повеќе жени отколку мажи го простиле неверството.

Улога играл и типот на неверство – 19,7% од изневереите простиле секс за една ноќ, додека неверствата што траеле подолго и се претвориле во паралелна врска, ги простиле 12,7% од испитаниците.

Главната причина за признавање на неверството било чувството на вина (кај 47% од неверните партнери), кај 39,8% тоа било начин да му се каже на партнерот дека не се задоволни во врската, а 38,6% од нив сметале дека нивниот партнер има право да знае. Интересно е и тоа што луѓето во брак чекаат подолго за да го признаат неверството.

Меѓу оние кои одбрале да останат во врска или брак, 61% од оние кои изневериле изјавиле дека нивниот партнер воспоставил нови правила во врската, како резултат на неверството. Поголемиот дел од луѓето кои изневериле (55,7%) рекле дека му дозволуваат на својот партнер да им го проверува телефонот.

Другите вообичаени „прописи“ вклучуваат избегнување на одредени пријатели, ограничување на излегувањата без партнерот, дозволување пристап на партнерот до социјалните мрежи, како и пауза на сексуалните односи.

Само 30% од измамените испитаници побарале од својот партнер да ја прекине аферата. Кога станува збор за животот по аферата, постојат разлики и во зависност од полот.

Измамените жени ги замолувале мажите да излегуваат помалку и им ускратувале секс, додека измамените мажи побарале од своите жени да им ги проверуваат телефоните и не им дозволувале да се гледаат со одредени пријатели.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.