вторник, 20 ноември 2018 | Вести денес: 84 ново

Количката и докторатот на Хокинг продадени за милион евра

Лични предмети на покојниот физичар Стивен Хокинг, секој предмет одделно, продадени се за стотици илјади евра.

Најголема цена на онлајн аукцијата одржана на 8 ноември достигнала копијата од докторската дисертација на Хокинг за експанзија на универзумот од 1965 година, која е продадена за повеќе од 670.000 евра. Тоа ја прави поскапо аукциско парче и од скриптите на Њутн, Дарвин и Ајнштајн.

Меѓу продадените предмети е и инвалидската количка на физичарот, која достигнала цена од 344.000 евра, надминувајќи ги очекувањата да се продаде за најмногу 20.000 евра. Парите од продажбата одат за Фондацијата Стивен Хокинг.

Се продавале и книги со автограм на вселенологот, ракописи, негова јакна и копија од сценариото од „Симпсонови“ од епизодата во која Хокинг го имаше своето последно појавување во анимирана серија.

Колекција на медалите и наградите на физичарот достигна цена од околу 350.000 евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top