четврток, 15 ноември 2018 | Вести денес: 53 ново

Еден загинат четворица тешко повредени во сообраќајќа кај Охрид

Едно лице го загуби животот, а четири се тешко повредени во сообраќајната незгода што ноќеска во 1:25 часот се случи на излезот од Охрид кон Кичево, кај манастирот „Св.Еразмо”.

На самото место на несреќата на здобиените повреди им подлегнал Д.Р.(38) од Охрид кој управувал патнички автомобил марка „Фиат Пунто” со охридски регистарски таблички. Во несреќата потешко е повредени неговите сопатници Љ.С.(51), И.Р.(51), И.Ѓ.(56) и Ј.К.С.(35), сите од Охрид. Во несреќата повреден е и А.М.(31) од охридското село Лешани, кој управувал товарно моторно возило марка „Мерцедес” со охридски регистарски ознаки. Повредените се префрлени во болницата „Св.Еразмо” во Охрид.

Сообраќајната незгода се случила кога товарното моторно возило „Мерцедес” што по магистралниот пат се движело од Охрид кон Подмоље, со предната лева страна удрило во патничкиот автомобил „Фиат Пунто” управувано од сега починатиот. По инерција од ударот, товарното возило излетало на левата страна од патот.

Увид на местото на настанот извршила увидна екипа од СВР-Охрид предводена од Јавен обвинител. За време на увидот, сообраќајот на магистралниот пат беше запрен во двата правци и пренасочен по регионалниот пат Охрид-Струга.

По наредба на Јавен обвинител телото на починатиот е дадено на обдукција а врз товарното возило ќе се врши вонреден технички преглед и вештачење.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top