сабота, 17 ноември 2018 | Вести денес: 74 ново

Мицотакис: Ниту во овој ниту во следниот парламент, Неа демократиа нема да го ратификува Договорот од Преспа

Ставот дека Неа демократиа нема да го ратификува Договорот од Преспа, ниту во овој ниту во следниот парламент, уште еднаш го повтори претседателот на партијата, Кирјакос Мицотакис, одговарајќи на новинарско прашање за време на неговата турнеја на грчкиот остров Кефалониа.

Како што јави дописничката на МИА од Атина, лидерот на најголемата грчка опозициска партија истакна дека главните причини за оваа позиција е нивниот став дека „за прв пат на соседите им се отстапува македонски јазик и македонска националност”, а тоа го прави договорот, според Мицотакис, „штетен за националните интереси”.

„Единствениот начин да се гарантира дека овој Договор нема да се ратификува во грчкиот парламент е да се одржат национални избори пред Договорот да дојде на ратификација во грчкиот парламент, за грчкиот народ да одлучи, не само за земјата, туку и за договорот за кој, како што реков, сметаме дека е штетен за националните интереси. Но, сакам да додадам и уште нешто: сликата од изминатите денови во соседната земја, за време на подготовката за првото гласање во Собранието, според моето мислење, не е слика која одговара на земја што може да се стреми да стане членка на големото европско семејство“, рече Кирјакос Мицотакис

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top