четврток, 15 ноември 2018 | Вести денес: 101 ново

Можно одложување на Седницата, Заев ги нема потребните 2/3

Собраниската седница на која треба да продолжи расправата за пристапување кон уставни измени иако беше најавена за 15 часот, се уште не е започната и не се знае кога и дали воопшто ќе започне. Во салата за пленарни седници веќе се присутни дел од пратениците од владејачкото мнозинство, а на галеријата и бројни медиумски екипи.

Нема информации зошто повторно седницата не започнува во терминот што беше најавен.

Првично, продолжението на оваа седница беше закажано за во 12 часот и по чекање од час и половина одложено за 15 часот.

Според неофицијалните информации што ги објавуваат одредени медиуми, обезбедено е двотретинско мнозинство.

Во меѓувреме дел од пратениците од ВМРО – ДПМНЕ одржаа прес-конференција на која го повикаа претседателот на Собранието Талат Џафери да свика гласање за уставните измени за да се види дека нема двотретинско мнозинство.

Според информациите од Собранието, во зградата се уште е премиерот Зоран Заев кој пристигна околу 12 часот за кога првично беше најавено продолжението на оваа седница.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top