вторник, 13 ноември 2018 | Вести денес: 1 ново

Репризни проекции на филмовите наградени на „Киненова“

Во Кинотеката на Македонија денеска и утре  репризно ќе бидат прикажани три филма што беа наградени на третиот Меѓународен фестивал на дебитантски филм „Киненова”, кој заврши минатата недела.

Од 20 часот вечер е проекцијата на апсолутниот победник на годинашниот фестивал –  „Блискост“ на рускиот режисер Кантемир Балагов, кој ги доби трите главни награди: најдобар филм, најдобро сценарио и најдобра режија.

„За овој контроверзен филм во Русија се вели дека „не е баш добро да се прикажува, но кога веќе мора, тоа нека биде без голема помпа“. Секаде каде што е прикажуван публиката жестоко реагирала, а дел од нив и не можеле да го догледаат поради жестокоста со која и пристапува на темата“, наведува „Киненова“ за филмот на Балагов, кој произлезе од филмската академија на познатиот руски режисер Александар Сокуров.

В недела во Кинотека ќе има две проекции – од  18 часот е перуанскиот „Ретабло“ на Алваро Делгадо Апарисио – приказна која низ визуелно супериорен пејзаж на Андите раскажува за малите луѓе и нивните неоткриени тајни.

Во 20 часот в недела ќе биде прикажан и бугарскиот филм „Ага“ на Милко Лазаров, кој досега има освоено седум награди на фестивали, меѓу кои и „Срцето на Сараево“ на Сараевскиот филмски фестива

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top