четврток, 15 ноември 2018 | Вести денес: 101 ново

Вујовиќ: Македонскиот ракомет има еден сериозен проблем

Веселин Вујовиќ втор пат сезонава дојде во Скопје како гостин со Железничар, но за разлика од првиот пораз од Вардар вечерва тој ја имаше улогата на победник против младиот состав на Металург. Во свој стил, „Вујо мајсторе“ по мечот проговори за натпреварот, но и за актуелните состојби во македонскиот ракомет.

– Овој тим на Металург е премногу млад за да може да издржи да игра во Лигата на шампионите и во СЕХА. Како и да е, се надевам дека ќе се најде начин за овој клуб да остане голем, па да биде и уште посилен, за доброто на македонскиот ракомет. Добро е што се појави проект како Работник, добро би било ако и Пелистер биде силен. Ако гледаме севкупно на ситуацијата на македонскиот ракомет, има тука добри млади играчи на речиси сите позиции, но сериозен проблем е што недостига издефиниран играч кој ќе го наследи Кире Лазаров, истакна Вујовиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top