среда, 24 октомври 2018 | Вести денес: 1 ново

Циклонот Титли усмрти осум луѓе во Индија

Осум лица загинаа откако циклонот Титли ги погоди индиските сојузни држави Андра Прадеш и Ориша.

Сите жртви се во Андра Прадеш, а засега нема информации за загинати во Ориша. Шест од жртвите биле рибари.

Титли ги погоди источните делови на Индија, корнејќи дрвја, далноводи и уништувајќи куќи, поради што речиси 300.000 луѓе се евакуирани.

Циклонот Титли, што во превод значи „пеперутка“, е проследен со ветер кој дува со јачина и до 150 километри на час, како и поројни дождови.

Училиштата се затворени, а редуциран е и воздушниот и железничкиот сообраќај. Стотици илјади семејства останаа без електрична енергија.

Метеоролозите предвидуваат дека циклонот до вечерва нема да ја намали својата јачина, а во меѓувреме и крајбрежните области на Бангладеш се предупредени да се подготват за евентуална бура.

Извор: МИА

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top