понеделник, 22 октомври 2018 | Вести денес: 103 ново

ВМРО-ДПМНЕ: По неуспешниот референдум, Заев побара помош од СЈО

По неуспешниот референдум, на кој народот покажа дека нема да поддржи антидржавни политики со кои се брише името Република Македонија, идентитетот, историјата, традицијата и културата, премиерот Зоран Заев тргна со реализација на планот Б за игнорирање и газење на волјата на сопствениот народ со помош на Специјалното јавно обвинителство, изјави Дафина Стојановска од ВМРО-ДПМНЕ.

-Заев е свесен дека ВМРО-ДПМНЕ било со народот и дека секогаш ќе стои на браникот на државните и национални интереси и затоа сега бара помош од неговите послушници во СЈО. Вчерашниот настап на СЈО е уште една потврда дека Македонија не е веќе правна држава. Не постојат ни закони, ни Устав. Катица Јанева си чита имиња и сама ги суди. Катица Јанева сама закажува рочишта, ги диктира процесите и ги прозива судиите што не и се по волја. Зоран Заев ги нарачува предметите и кажува која мерка и која пресуда е преостра или преблага – рече Стојановска.

Таа додаде дека додека Заев го гази правото и правдата и нарачува истраги и пресуди, трае општиот грабеж кој го реализираат неговите роднини и соработници.

-Додека Заев тргува со највисоките државни и национални интереси спротивно на волјата на народот, неговиот брат Вице си купува комбинати по цена на гарсониера, си добива лиценци за одгледување марихуана, гради и ископува каде сака, колку сака и како сака. Камиони на Заеви се ангажираат од државни компании, милиони евра се делат за криминални иновации – вели пратеничката на ДПМНЕ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top