среда, 17 октомври 2018 | Вести денес: 1 ново

Грција „шокирана“ од изјавата на Заев за „една Македонија“

Грчкиот портал In.gr се осврнува на „шокот предизвикан од неприфатливите изјави на Зоран Заев за неговата единствена ‘сопствена’ Македонија“ дадени во САД и на „дипломатската интервенција“ што резултираше со промена на формулацијата и „омекнување“ на изјавите што беше направено преку агенцијата МИА.

Заев, веќе не се сомнева во постоењето на другите Македонци, но грешката беше направена, пишува порталот .

@Грчката јавност сфати дека во Преспа се случило нешто чудно, подмолно и екстремно назадно. Вистината е дека нема да може да се дознае што потпишаа двете страни и што му „продале“ на јавното мислење со цел да се прифати договорот“, пишува порталот.

И доколку во Скопје мислењето на авноста се смени и ќе преовлада „да“ (на референдумот – н.з.) , во Грција нема знаци дека движењето против Договорот од Преспа ќе се промени „и покрај притисоци што ги прават САД и Европа“, пишува In.gr.

Повеќе од 7 од 10 Грци, според анкетата објавена од „New weekend“, не се согласуваат со решението, додека за прв пат мнозинството е на мислење дека треба да се оди на предвремени избори, пишува In.gr, и потсетува на предноста од 11 проценти на опозициската Неа демократија во однос на вледејачката СИРИЗА.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top