сабота, 17 ноември 2018 | Вести денес: 47 ново

Салвини: Наскоро ќе владееме со Европа заедно со Орбан!

Италијанскиот министер за внатрешни работи Матео Салвини и австрискиот вицеканцелар Хајнц Кристијан Штрахе, демонстративно застанаа зад унгарскиот премиер Виктор Орбан.

-Убеден сум дека за неколку месеци ќе владееме со Европа заедно со Виктор Орбан- рече Салвини.

-Санкциите против унгарскиот народ и влада се политички акт и една лудост- додаде тој.

Салвини и Штрахе денес во Виена најавија понатамошна соработка меѓу Партијата на слободата на Австрија (ФПО) и италијанската Лига на претстојните избори на Европскиот парламент.

-На изборите следната година Европа целосно ќе ја промениме и социјалистите ќе ги исфрлиме од европските влади- убеден е Салвини.

Тој рече дека соработува со многу други партии, држави и влади, за историјата на континентот следниот мај да ја променат.

Штрахе истакна дека ФПО сака уште повеќе да ја продлабочи соработката со Лига.

-Постојат многу сличности меѓу нас. ФПО и Лига се двете во владите на своите земји, двајцата сме во одлична здравствена состојба, и двајцата очекуваме инспекцијата на ОН која треба да го провери третманот кон мигрантите во Австрија и Италија- истакна тој.

Салвини истакна дека многу нешта се иницирани за време на австриското претседавање со ЕУ, што придонесе „дури и до будење“ на Европската комисија.

Штрахе рече дека Австрија, како претседавач на ЕУ, сака да обезбеди Европа која себеси се штити.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top