среда, 26 септември 2018 | Вести денес: 1 ново

Укинати визите за ЕУ за косовските граѓани

Европскиот парламент денеска со 420 гласа „за“, 186 „против“ и 20 „воздржани“ се изјасни за укинување на визите за патување на државјаните на Косово во земјите членки на ЕУ.

Како што јави дописникот на МИА од Приштина, по објавувањето на веста за одлуката на Европарламентот да ја одбори визната либерализација, косовскиот премиер Рамуш Харадинај порача дека многу наскоро граѓаните на Косово ќе можат да се движат слободно низ Европа.

– Честито нека е, граѓани на Косово! Наскоро ќе се движиме слободно во Европа. Благодарение на сите пратеници и парламентарни групи, на сите партии и држави членки, кои во Европскиот парламент го поддржаа нашето право за слобода на движење, напиша Харадинај на својот профил на Фејсбук.

До конечната визна либерализација преостануваат уште неколку процедури, кои, според познавачите на приликите во Брисел, можат да потраат уште шест до девет месеци.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top