среда, 24 октомври 2018 | Вести денес: 1 ново

Албанија и Косово водат референдумска кампања за Македонија во своите земји: Партиите во Албанија повикуваат на максимален ангажман во Македонија

Најголемата албанска опозициска партија, Демократската (ДП), побара од Албанија и од Косово „да сторат се за позитивен резултат на референдумот во Македонија кој е од огромно значење за оваа земја“.

Пренесувајќи го партискиот став, актуелниот пратеник и поранешен шеф на дипломатијата,Тритан Шеху, изјави дека албанскиот фактор на Балканот треба „да влијае на позитивниот резултат на референдумот што ќе се одржи на 30 септември“.

– Албанија, Косово и целокупниот албански фактор во регионот треба да бидат активна страна за да помогнат да се постигне позитивен резултат, кој е од витално значење за Македонија, смета Шеху, кој е и најсериозен кандидат за иден градоначалник на Тирана.

Тој додаде дека оние кои сакаат да го „поткопаат” референдумот се оние кои со години создадоа многу вештачки проблеми со Грција, со Брисел и со НАТО, за да ги подигнат пречките во интегративните процеси, за кои нема прошка и кои денес и понатаму се обидуваат да ја стават својата земја некаде далеку на Исток, дури и за интерес на трети земји.

Претходно и шефот на албанската држава Илир Мета ги повикува сите Албанци во Македонија да учествуваат на референдумот на 30 септември и да гласаат за договорот, за отворање на ново поглавје не само во корист на интеграцијата на Македонија, туку и нивната иднина во оваа земја.

Тој верува во успехот на рефенредмот што, според него, ќе биде победа на европските и евроатланските интегративни сили и дух, наспроти „архаичните, антиевропски и анти-НАТО тенденции не само во Македонија, туку и низ целиот наш регион“.

Извор: “Инфомакс”

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top