среда, 14 ноември 2018 | Вести денес: 5 ново

Се извлеков: Легендарниот Роналдо со порака до фановите од болницата во која беше итно сместен

Легендарниот бразилски напаѓач Роналдо ги увери своите фанови дека е добро откако во петокот беше хоспитализиран на Ибица.

Поранешниот фудбалер на Барселона, Реал Мадрид и Интер заврши на интензивна нега поради воспаление на белите дробови, но брзо беше префрлен на приватна клиника.

-Пријатели, имав многу лош напад на грип на Ибица, па морав во петокот на одам во болница, но сега се е во ред. Во понеделник ќе се вратам дома. Ви благодарам на љубовта и пораките на поддршка, порача легендарниот Бразилец.

Роналдо, кој во септември ќе наполни 42 години, два пати беше светски првак со Бразил, со Реал освои две титули во Примера, а вкупно со сите клубови има 14 трофеи.

На 518 натпревари во клупската кариера има 352 гола, додека за Бразил има 62 гола од 98 настапи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top