понеделник, 19 ноември 2018 | Вести денес: 63 ново

Твитер скандал на Трамп: Не е лесно да направите Леброн Џејмс да изгледа паметно

Американскиот претседател Доналд Трамп на „Твитер“ упати навреди кон најдобриот кошаркар на денешницата Леброн Џејмс, по неговото интервју за „Си-Ен-Ен“.

Кошаркарот минатата недела отвори училиште за проблематични и сиромашни деца во својот роден град Екрон во близина на Кливленд. Тој во интервјуто за „Си-Ен-Ен“ по повод отворањето на училиштето повторно го критикуваше претседателот Трамп, кој сега не му остана должен и веднаш му врати преку социјалните мрежи.

„Леброн Џејмс беше интервјуиран од најглупавиот човек на телевизија, Дон Лемон. Тој направи Леброн да изгледа паметно, што воопшто не е лесно да се направи. Мене ми се допаѓа Мајк“, напиша Трамп.

Тој во еден „твит“ успеа да го навреди новинарот и Леброн Џејмс и да напомене дека во дебатата за најдобар кошарка на сите времиња, тој навива за Мајкл Џордан.

Џејмс постојано е критичар на работата на претседателот Трамп и тоа го искажува на секој можен начин и во секоја прилика.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top