петок, 19 октомври 2018 | Вести денес: 0 ново

Влошена здравствената состојба на Асанж

Здравјето на основачот на Викиликс, Џулијан Асанж неодамна е влошено и се очекува тој да ја напушти Амбасадата на Еквдор во Лондон следните недели, објави Блумберг, повикувајќи се на неименувани лица.

Асанж претстојува во Амбасадата на Еквадор во Лондон од 2012 година, но неговата слобода надвор од дипломатската мисија не е гарантирана.

Основачот на Викиликс може да биде уапсен поради неплатена кауција во Лондон, а исто така тој стравува дека ќе биде екстрадиран во САД, каде го бараат поради објавување на тајни дипломатски документи.

Асанж најде уточиште во Амбасадата на Еквадор откако шведските власти го обвинија за силување. Обвинението во меѓувреме е отфрлено.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top