сабота, 22 септември 2018 | Вести денес: 63 ново

Македонија убедливо ја совлада Швајцарија на ЕХФ шампионатот во Скопје

Машката младинска репрезентација на Македонија убедливо ја совлада Швајцарија со 30:24 на ЕХФ шампионатот за ракометари до 20 години што се одржува во Скопје.

Избраниците на селекторот Данило Брестовац уште од почетокот на натпреварот успеаа да вопостават контрола над играта и во првото полувреме имаа постојано водство, а на паузата заминаа со солидна предност од 17:9.

И во вториот дел македонските ракометари ја имаа иницијативата на теренот и ја задржаа високата резултатската предност до крајот на натпреварот, иако Швајцарците во последните 15-тина минути се обидоа да ја намалат разликата.

Македонија со оваа победа има пет бодови и избива на првото место во групата Б, пред Швајцарија и Украина кои имаат по четири бодови.

Претходно, македонските ракометари остварија победа над Велика Британија и реми со Италија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top