сабота, 18 август 2018 | Вести денес: 13 ново

Вардар елиминиран од Пјуник уште во првото коло

Вардар уште во првото коло ги заврши натпреварите од квалификациите за Лига Европа, откако на двата натпревари беше совладан од ерменски Пјуник.

Македонскиот клуб со негатива од еден гол (1:0) се врати од Ереван, а вечерва по едно полувреме без голови, во Скопје повторно беше поразен со 0:2 од Пјуник.

И покрај неколкуте обиди фудбалерите на Вардар не успеаја да ја анулираат предноста на гостите и во финишот на натпреварот за четири минути примија два гола.

Стрелец на двата гола за Пјуник беше Бакар Балде и тоа во 85-та минута погоди за водство од 0:1, а потоа во 89-та минута ги постави конечните 0:2.

Вардар откако минатата сезона се избори за настап во групната фаза од Лига Европа, оваа година е елиминиран уште на самиот почеток

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top