петок, 19 октомври 2018 | Вести денес: 0 ново

Се вика Флоријан и добро ќе нѐ потопи

Уште од оваа ноќ од запад и од северозапад облачноста ќе започне да се зголемува, па веќе во текот на утрешниот ден, уште во претпладневните часови во западните предели локално ќе има појава на дожд и грмежи, а ќе дува и умерен, повремено засилен ветер од западен правец, прогнозира Славчо Поповски.

Од пладне, па натаму, на повеќе места ќе биде нестабилно облачно со пороен дожд, грмежи и засилен ветер, вели метеопрогнозерот. Циклонот кој ќе ја зафати Македонија е наречен Флоријан

Локално процесите ќе бидат поинтензивни и во форма на невреме проследено со интензивен пороен дожд, значително количество на воден талог за кратко време, електрични празнења, силен ветер и услови за појава на град.

Максималните дневни температури на воздухот ќе се искачуваат во интервалот од 27 до 35 степени меѓутоа навечер ќе започнат да опаѓаат поради продор на посвеж воздух од север кој ќе услови засилен северен ветер во среда и во четврток.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top