петок, 20 јули 2018 | Вести денес: 56 ново

Чувал кози по хрватскиот крш, а сега ја води репрезентацијата до врвот – нестварна приказна за асот на „огнените“

Фудбалерите на Хрватска остварија голем успех, со оглед на тоа дека на Светското првенство ќе се борат за пехарот со Французите. Еден од најзаслужните за неверојатниот искачување до врвот е Лука Модриќ.

Тој е најсилната карика на хрватскиот тим, ас на мадридскиот Реал. И токму тој е центарот на вниманието во земјата на финалистите на Мундијалот, но не толку поради одличната игра, колку благодарение на заборавено видео од 1990 година.

Имено токму тогаш Павле Балановиќ на велебитскиот крш во Хрватска го снимил документарниот филм „Напад на волковите“ и фатил кадар кој станал голем хит. Во еден дел на снимката се појавува токму Лука Модриќ кој тогаш имал пет години. Тој во кршот во близина на Задар во преголема јакна со стап чува кози.

Балановиќ потврдил дека се работи за Модриќ.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top