вторник, 18 септември 2018 | Вести денес: 99 ново

Откако Заев го продаде името, ЕУ ги менува правилата: Нема вето за преговори

Европската комисија се подготвува на есен да предложи нов систем на донесување одлуки во врска со преговорите за членство во ЕУ, при што повеќе нема да биде потребна едногласна одлука на сите земји членки, туку само квалификувано мнозинство, тврди загрепскиот весник „Вечерњи лист“.

– Европската комисија се подготвува на есен да предложи во иднина за претпристапните преговори за државите кандидати за членство во ЕУ, повеќе да не биде потребна едногласна одлука на сите земји членки, туку квалификувано мозинство, со што би можеле да бидат надгласани оние што би се обиделе да блокираат, наведува весникот.

Според „Вечерњи лист“, ваквиот предлог се должи на досегашните лоши искуства во преговорите, како во случајот со Хрватска, која се обиде, но не успеа, да ги блокира преговорите на Србија по поглавјето 23 за прависудството.

Весникот наведува дека со предлогот на Еврокомисијата ќе се утврдат теми од надворешната и безбедносната политика и проширувањето, за кои одлуките повеќе нема да се носат со консензус, туку со одреден мнозинство, како „поддршка од најмалку 55 отсто од земјите членки во кои живеат најмалку 65 проценти од жителите на ЕУ“.

Сепак, при конечната одлука за прием на нова членка во ЕУ, ќе биде потребен конзензус, што подразбира дека секоја држава членка ќе има можност за вето, додава „Вечерњи лист“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top