вторник, 17 јули 2018 | Вести денес: 119 ново

Холивуд не губи време, подготвува филм за спасувањето на тајландските деца

Во Холивуд не губат време, за што доказ е доаѓањето на двајца американски продуценти на Тајланд, каде што е во тек акцијата за спасување на деца од потопената пештера, пишува денеска Би-Би-Си.

Мајкл Скот и Адам Смит од филмската компанија ПјурФликс пристигнаа во Там Луанг и веќе разговараат за можен филмски проект, пренесе новинската агенција ААП.

– Тука ќе дојдат и други продукции, па мораме да бидеме брзи – рече Смит, одговарајќи на прашањето дали е невкусно нивното пристигање со оглед на драмата што ја преживуват децата и нивните родители.

Спасувачите денеска ја продолжуваат акцијата за извлекување на уште четири деца и нивниот тренер.

Четири деца вчера беа извлечени од пештерата, со што бројот на спасени во трката со монсуните се искачи на осум.

Децата се во пештерата од 23 јуни.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top