вторник, 25 септември 2018 | Вести денес: 0 ново

Протести во Солун и на Крит против Договорот од Преспа

Мирни протести против Договорот од Преспа и против владата, синоќа се одржаа во Солун и во градовите Хања и Ираклио на грчкиот остров Крит.

Над 500 лица, според локалните медиуми, протестираа вчера во центарот на Солун против Договорот од Преспа. Со транспарент и порака „Ципрас, предавнику, дај си оставка“, со слогани против владата и дека Македонија е грчка и со грчки знамиња, Грците во Солун се собраа пред споменикот на Александар Велики продолжија со марш по улиците, а поминаа и пред канцелариите на СИРИЗА и Независни Грци.

Слично како и во Солун, под силни безбедносни мерки и со речиси идентични пораки до владата во однос на Договорот од Преспа, вчера се протестираше и на грчкиот остров Крит. Демонстрантите извикуваа „Македонија е грчка“ и со огромно грчко знаме маршираа по улиците на градот Хања.

Како што јави дописничката на МИА од Атина, преку социјалните мрежи за денес е закажан нов протест во Солун, но и во Вергина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top