понеделник, 24 септември 2018 | Вести денес: 105 ново

Четири лица тешко повредени во Скопје

Двајца пешаци, сопатник во патничко моторно возило и возач на мопед биле тешко повредени во четири од вкупно 28 сообраќајки случени во текот на изминатиот викенд. Во 12 сообраќајки биле полесно повредени 18 лица, а во 12 била причинета материјална штета.

Од МВР информираат дека викендов сообраќајната полиција открила и санкционирала поголем број прекршоци. Сто осумдесет и еден возач се движеле со брзина поголема од дозволената, четворица поминале на крстосница на црвено светло, двајца не дале првенство на минување на пешаците на обележан пешачки премин, еден возач e санкциониран за неправилно престројување, а 22 возачи за не користење заштитен шлем. Санкционирани биле и осум пешаци кои поминале коловоз вон пешачки премин и тројца пешаци кои поминале коловоз на црвено светло.

Од сообраќај биле исклучени двајца возачи кои управувале возило под дејство на алкохол, 29 пред да се стекнат со право на управување на моторно возило, четворица возачи почетници, како и четири технички неисправни возила и 23 нерегистрирани возила. Затекнати биле 150 непрописно паркирани возила.

Со помош на специјалното возило пајак, отстранети биле 117 возила.

Одделението за превенција при СВР Скопје денеска во рамки на сообраќајно воспитниот проект „Сообраќајна култура на децата во предучилишните установи“ ќе реализира едукативна работилница со децата од средна и голема група во детската градинка „Весели цветови“’, објект „„Мимоза“ во општина Кисела Вода.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top