вторник, 25 септември 2018 | Вести денес: 0 ново

Вечерва почнува летниот театарски Фестивал за деца „Жапчиња“

Вечерва, од 19 часот, во скопската населба Капиштец започнува летниот театарски Фестивал за деца и младинци “Жапчиња 2018”.

Настанот го органира Општина Центар во соработка  со театарот „Арт Вени Види“ и здружението „Култи-ватор“. Фестивалот е во состав на проектот „На одмор сум, во Скопје сум, Општина Центар мисли на мене.“

„Жапчиња“ ќе се одржува на отворено, кај лулашките до ТЦ Зебра , а гледачите ќе имаат можност да ја проследат претставата за деца и младинци “Здравко Заборавко”  во изведба на театарот „Арт Вени Види“. Претставата е интерактивна и во неа ќе имаат можност да се вклучат и децата.

Учествуваат актерите Елизабета Клинчаревска Младеновска, Симон Манасков како и режисерката и актерка Викторија Анѓушева. Во текот на јули и на август ќе следат уште неколку претстави за деца во изведба на истиот театар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top