петок, 20 јули 2018 | Вести денес: 77 ново

Се мобилизира: Косовската полиција ќе ја обезбедува прославата на Видовден

Косовската полиција информира дека ги презела сите потребни мерки по повод утрешното одбележување на православниот празник Видовден, една од најголемите верски слави на Србите, јави дописникот на МИА од Приштина.
Полицијата објави дека ги зајакнала безбедносните мерки за да обезбеди ред, мир и сигурност пред, за време и по манифестациите кои традиционално се одржуваат од страна на косовските Срби.
– Со цел да гарантираме слобода на движењето за сите граѓани, на локациите каде што ќе има ограничувања, целосни или делумни блокади на одредени патни сегменти, во зоните каде што ќе се одржат разни манифестации, како што се Приштина, Грачаница, Газиместан и други, ќе бидат ангажирани доволен број полицајци, со цел пренасочување на сообраќајот и обезбедување услови за нормално движење на сите учесници во сообраќајот, се наведува во соопштението на косовската полиција, во кое се бара од граѓаните да не подлегнат на можните провокации.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top