петок, 16 ноември 2018 | Вести денес: 56 ново

Колку чини ликвидација во северно Косово: Новинарот Цветковиќ тврди дека ова е убиецот на Ивановиќ (ВИДЕО)

Исчезнувањето на српскиот новинар Стефан Цветковиќ предизвика шок во српската јавност, а после неговото појавување не престануваат да се редаш прашања во врска со овој случај, кој сѐ уште не добил епилог.

Цветковиќ се споменува како човек кој го истражувал убиството на Оливер Ивановиќ, а на конференцијата за медиуми која е одржана во Белград во јануари оваа година, тој покажал фотографија од потенцијалниот атентатор.

Меѓутоа, откриено е дека на фотографијата е угостител од Ванкувер во Канада, Захари Зимерман, власник на „Сеј хај кофи“ и блогер на тема угостителство.

Неговата фотографија се наоѓа на страницата на која Зимерман го коментира квалитетот на другите ресторани.

Не е познато зошто Цветковиќ ја покажал оваа фотографија, и дали свесно или несвесно направил груба грешка.

Сетфан Цветковиќ изјавил дека денеска Министерството за внатрешни работи му доделило 24-часовно обезбедување.

Неговото исчезнување беше пријавено во средата минатата недела, а во петокот претставници на властите на вонредна конференција за новинари објавија дека Цветковиќ е пронајден.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top