недела, 23 септември 2018 | Вести денес: 26 ново

ДПМ им ја додели наградата „Книжевен жезол“ на поетите Видое Видичевски и Ѓеорѓе Добре

Наградата „Книжевен жезол“ на Друштвото на писателите на Македонија за исклучителен поетски опус годинава ќе ја добијат македонскиот поет Видое Видичевски и поетот од Романија Ѓеорѓе Добре.

Наградите ќе им бидат врачени в четврток во ДПМ на традиционалната манифестација „Празник на липите“. Како што соопшти ДПМ, за поезијата на Видичевски ќе говори Раде Силјан, а за поезијата на Добре – Ермис Лафазановски.

На настанот ќе биде врачена и плакета на поетесата Мирјана Тренчева, добитник на наградата „Даница Ручигај“ за 2017 година.

На поетскиот митинг ќе бидат читани песни и есеи испратени на анонимниот конкурс на ДПМ и ќе бидат врачени плакети на авторите чии дела стручно жири ги избра за најуспешни.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top