сабота, 20 октомври 2018 | Вести денес: 35 ново

Скопјанец останал без својот „Леон“: Му го украле среде бел ден на „Партизанска“

Вчера околу 18.20 часот во Секторот за внатрешни работи Скопје, А.Ј. (44) од Скопје пријавил дека истиот ден во периодот од 17.45 до 17.50 часот на бул. „Партизански Одреди“ непознат сторител го одзел неговото патничко возило „Сеат Леон“ со скопски регистарски ознаки.

Сторителот влегол во возилото кое било отклучено и со клучевите кои биле оставени на возилото, го стартувал и заминал во непознат правец. На тој начин сторителот се стекнал со противправна имотна корист од околу 1.660.500 денари.

Се преземаат мерки за пронаоѓање на сторителот и возилото и за целосно рачистување на случајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top