петок, 19 октомври 2018 | Вести денес: 101 ново

Го напуштаат Фејсбук, се селат на ВатсАп загрижени за приватноста

Голем број луѓе се префрлаат од Фејсбук на затворени форуми како ВатсАп за да расправаат за дневни вести, поради загриженост за приватноста, лажни вести и расправии, се вели во анкетата на Институтот за истражување на новинарство на Ројтерс.

Се намалува користењето на Фејсбук особено меѓу младите кои преферираат ВатсАп, Инстаграм и Снапчет. Фејсбук и понатаму е најпопуларна социјална мрежа со 36 отсто користење минатата недела, но губи во трката со други апликации како ВатсАп, кој во четири години има тројно зголемен број корисници како извор на вести и сега е на 15 отсто.

Луѓето се чувствуваат подобро кога разговараат на затворени платформи особено во држави со поларизирани поделби, во кои е опасно отворено да се изрази политички став, како Малезија и Турција, се вели во студијата.

Само 23 отсто од 74 000 анкетирани во 37 држави изјавиле дека веруваат на вести на социјални медиуми. Испитаниците рекле дека вести често пронаоѓаат на Фејсбук и Твитер, но, објавуваат во група на ВатсАп заради разговори со помал број лица- пријатели.

Во врска со Фејсбук, најголема забелешка за таа мрежа е довербата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top