вторник, 23 октомври 2018 | Вести денес: 37 ново

Никола Димитров ќе го потпише договорот од македонска страна

Министрите за надворешни работи на двете страни ќе треба да го потпишат договорот меѓу Македонија и Грција за името, стои во целосниот договор кој вечерва го објави Катимерини.

Во членот 7 од Договорот стои дека: Сфаќањата на двете страни за термините „Македонија“ и „македонски“ се однесуваат на различен историски контекст и културно наследство.

Според Договорот, кога Грција ги користи овие термини тие не се однесуваат само на делот на Македонија кој е во нејзината територија, туку и на Хеленистичката цивилизација, историја, култура и наследството на тој регион од антиката па до денес.

Кога пак, македонската страна ги користи овие термини, тие се однесуваат само на нашата денешна територија, јазик, луѓе, со нивна сопствена историја, култура и наследство, кое се разликува од она во претходниот член.

„2. Кога станува збор за Првата Страна (Грција), овие термини ја означуваат не само областа и луѓето од северниот регион на Првата Страна (група?), туку и нивните атрибути, како и грчката цивилизација, историја, култура и наследство на тој регион од антиката до денешен ден.

3.Кога станува збор за Втората Страна, овие термини ја означуваат нејзината територија, јазик, луѓе и нивните атрибути, со своја историја, култура и наследство, што се разликува од оние споменати во член 7 (2).“

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top