недела, 23 септември 2018 | Вести денес: 2 ново

Влезниците за натпреварот меѓу Македонија и Романија се пуштени во продажба

Ракометната федерација на Македонија ги пушти во продажба влезниците за претстојниот натпревар против Романија во баражот за Светското првенство.

Македонската ракометна репрезентација на десетти јуни од 20:30 часот во салата „Борис Трајковски“ во Скопје ќе се соочи со Романците, а поради значајноста на натпреварот се очекува ракометарите да добијат што поголема поддршка од трибините.

Влезниците имаат цени од 100 денари (горни трибини) и 200 денари (долни трибини – партер).

Македонија првиот од двата бараж натпревари ќе го игра во Скопје, а ревашнот ќе се одигра во Клуж на 13 јуни.

Победникот од двомечот ќе обезбеди учество на Светското првенство што ќе се одржи во Данска и Германија во јануари 2019 година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top