среда, 20 јуни 2018 | Вести денес: 1 ново

Цукерберг да си даде оставка

Годишниот состанок на акционерите на „Фејсбук“, настан на кој обично нема никакви случувања, годинава се карактеризираше со излив на бес и фрустрации во соочувањето на инвеститорите со директорите на компанијата, зад која стои година полна со скандали, наведува Ен-Би-Си Њуз.

Американската телевизија оценува дека состанокот на моменти наликувал на „бунт“, при што инвеститорите го „решетале“ основачот Марк Цукерберг со прашања во врска со неговото раководење со компанијата и начинот на кој се однесувал кон скандалот со собирање информации од корисниците на саоцијаланта мрежа од страна на фирмата „Кембриџ аналитика“.

– Угледајте се на Џорџ Вашингтон, а не на Владимир Путин – му порача еден инвеститор на Цукерберг. Ваквата изјава во американските медиуми беше протолкувана како повик инвеститорот Цукерберг да ја следи одлуката на Џорџ Вашингтон за повлекување од функцијата претседател на САД.

Ен-Би-Си њуз наведува дека за време на изборот на членовите на Управниот одбор на „Фејсбук“, една жена го прекинала состанокот и ги повикала акционерите да спречат Цукерберг повторно да биде избран за негов член. Сепак, сите осум членови на Одборот, вклучувајќи го и Цукерберг беа повторно избрани.

Американската телевизија оценува дека состаноците на собранието на акционери обично се формалност, бидејќи гласачката моќ во компанијата и натаму ја контролира Цукерберг и тесниот круг луѓе околу него, со што практично е невозможно да помине иницијатива на акционерите за негова смена, освен ако Цукерберг не реши сам да се повлече.

На состанокот беа одбиени сиите 66 иницијативи предложени од страна на акционерите, меѓу кои и онаа за измена на правата на глас, со што Цукерберг би ги загубил посебните гласачки права.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top