среда, 20 јуни 2018 | Вести денес: 1 ново

Серена Вилијамс призна зошто го облече црниот костим на Ролан Гарос

Откако американската тенисерка Серена Вилијамс објасни зошто го облече црниот костим на Ролан Гарос, отвореното првенство на Франција кое е е во тек, во списанието „Харпер’с базар“ се појави во нов костим, со сличен крој, но шарен.

За списанието таа објаснува дека не била секогаш полна со самодоверба и оти и биле потребни години за да го засака своето тело онакво какво што е навистина. Меѓу другото, признава дека тешко и паѓало растењето покрај сестрата Венус.

– За мене, тоа беше многу тешко. Очигледно беше дека сум многу поинаква од неа. Таа беше висока, тенка, убава, а јас бев покрупна. Телото ми беше во мускули. Бевме многу различни. Во еден момент посакав да ослабнам, а денес се прашувам зошто ми паднала таква идеја на памет. Ова сум јас, ова е мое тело, тоа е моето оружје – вели Серена.

На славната тенисерка со најмногу трофеи и е драго што минала низ такви фази во животот, бидејќи подобро ќе ја разбере ќерка си, ако и таа има такви мисли.

– Можам да и кажам дека и јас се борев со истиот проблем, но дека сега сум среќна со она што го имам и како изгледам – заклучува најуспешната тенисерка на сите времиња.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top