понеделник, 20 август 2018 | Вести денес: 108 ново

МЗТ симнат од тронот, Работнички е нов шампион на Македонија!

Екипата на Работнички по цели девет години стигнува до шампионскиот пехар во македонската кошарка откако со 87:84 беше поуспешна од најголемиот ривал, МЗТ Скопје.

Избраниците на Марин Докузовски со убедливи 3:0 во серијата до три победи го совладаа МЗТ кој царуваше во македонскиот шампионат во последните неколку години.

МЗТ одлично го отвори натпреварот и по првите десет минути имаше предност од цели девет поени. Сепак Работнички ги доби следните три четвртини и на крај во пенал завршница успеа да ги совлада „металците“ за голема радост во „Градски парк“.

Одличен натпревар во Работнички одиграа Чавдар Костов кој запиша 19 поени и Димитар Караџовски кој мечот го заврши со 17 поени. Бојиќ уште еднаш беше најдобар во МЗТ Скопје со 17 уфрлени кошеви.

Ова е вкупно 15 трофеј во македонскиот шампионат за екипата на Работнички, прв по цели девет години.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top