недела, 24 јуни 2018 | Вести денес: 59 ново

Борците на „Исламска држава“ ја напуштиле последната бунтовничка енклава во близина на Дамаск

Сирискиот Центар за мониторинг на човековите права соопшти дека група борци на „Исламска држава“ биле евакуирани од последната бунтовничка енклава во близина на Дамаск, со што се враќа контролата на Владата врз реонот.

Државните медиуми во Дамаск не јавуваат за договор со кој на екстремистите им е дозволено да ја напуштат областа околу палестинскиот бегалски камп Јармук. Сириски воен извор вчера негирал дека е постигнат некаков договор.

Организацијата за мониторинг, со седиште во Велика Британија, соопшти дека по полноќ автобуси влегле во енклавата за да ги транспортираат борците и нивните семејства. Тие отпатувале во правец на сириската Бадија (т.н. сириска или јорданска степа – полупустински ненаселен реон источно од главниот град).

Извор: Миа

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top