понеделник, 21 мај 2018 | Вести денес: 0 ново

Тажна вест: Почина скопската легенда Зеко

Денеска во Скопје по кусо боледување почина Горан Атанасов-Зеко.

Тој беше познат скопски угостител и своевремено пејач, како и еден од главните создавачи на ноќниот и забавен живот во Скопје од крајот на 1980-ти години.

Заедно со Сашо Пижевски – Пиже и Игор Џамбазов е основач и член на култната група Хавана Бенд, која беше своевидна атракција на македонската естрада во раните 90-ти, позната по хитовите „Шток ми бејби“, „Нема спас“, „Дај ми, жити се“ и др. По нејзиното распаѓање, се посвети на својот бизнис угостителството и само повремено учествуваше.

Зеко исто така беше менаџер, косопственик и сопственик на повеќе кафулиња, ресторани, ноќни клубови и дискотеки. Меѓу позначајните се кафулето Баскет, забавниот комплекс Хавана клуб во Градскиот парк, дискотеката „Парк“ во Градскиот стадион и таверната „Хавана“.

Во последно време актуелен со повторното обединување на Хавана Бенд и нивниот хит „Балада за мајка ти и татко ти“, плод на соработката со Александар Митевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top