недела, 20 мај 2018 | Вести денес: 26 ново

Заев – Руте: Охрабрувањето на реформските процеси од исклучително значење за Македонија

Премиерот Зоран Заев на Самитот на ЕУ за Западен Балкан денеска во Софија оствари средба со холандскиот премиер Марк Руте. Во придружба на вицепремиерот за европски прашања Бујар Османи и шефот на дипломатијата Никола Димитров, премиерот Заев на средбата изрази големо задоволство од билатералните односи меѓу двете земји кои оваа година одбележуваат 25 години од воспоставувањето дипломатски односи.

Добрите односи меѓу Република Македонија и Кралството Холандија, констатираа двајцата премиери, се крунисани со исклучително позитивни искуства во сферата на политичката и културната соработка, посебно во туризмот, како и во економските врски меѓу двете земји, соопшти владината прес-служба.

Холандија е силен поддржувач на обновата на политичкиот систем и институциите после политичката криза во Македонија и останува со силна поддршка во креирањето на слободно функционално општество и пазарна економија, било истакнато на средбата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top