понеделник, 21 мај 2018 | Вести денес: 0 ново

Макрон: Полека со проширувањето

Франција го поддржува движењето на балканските земји во Европската унија, под услов сите да ги спроведат неопходните реформи. Ова го изјави францускиот претседател Емануел Макрон при пристигнувањето на состанокот на Европската унија и Западен Балкан во Софија.

– Го поддржувам балканското движење кон Европа и нивното пристапување како идни членки на ЕУ. Сепак, мислам дека треба да бидеме многу претпазливи и цврсти со процесот на проширување. Ние мора да им помогнеме на земјите што се реформираат и се движат кон Европа, тоа наш стратешки избор, рече Макрон.

Тој додаде дека сепак, пред да се завршат неопходните реформи, ЕУ не треба да брза со проширувањето.

Во моментов, Македонија, Албанија, Србија, Црна Гора и Турција се кандидати за членство во ЕУ. Ниту една од овие земји нема јасен тајминг за пристапувањето.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top