петок, 20 јули 2018 | Вести денес: 111 ново

Поставен семафорот кој се бараше по протестите во Ѓорче Петров

На улицата „Борис Сарафов” кај основното училиште „Мирче Ацев” во населбата Ѓорче Петров конечно е поставен семафор, кој се очекува да профункционира уште денеска.

Улицата „Борис Сарафов“ важи за критична точка во сообраќајот низ Ѓорче Петров и на неа во изминатата година се случија неколку сообраќајки во кои беа повредени главно деца.

„Во меѓувреме, се поставуваат и други сообраќајни знаци за регулација на брзината, а се означуваат и пешачки премини долж целата улица. Напоредно со семафорот, беше поставена и ограда кај училиштето, заради подобра безбедност, пред сè на децата. Наскоро очекуваме и уредување на зеленилото околу семафорот, заради подобра видливост на истиот“, велат од Општина Ѓорче Петров, додавајќи дека на улицата сообраќајната полиција врши зачестени контроли.

Да се постави светлосна сигнализација, бараат жителите на Ѓорче по сообраќајката

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top