сабота, 22 септември 2018 | Вести денес: 2 ново

Мицкоски се сретна со словенечкиот амбасадор Милан Јазбец

Претседателот на ВМРО-ДПМНЕ Христијан Мицкоски денеска оствари средба со амбасадорот на Република Словенија, Милан Јазбец.
На средбата Мицкоски изразил загриженост од фактот дека Република Македонија не само што не оди напред, туку и назадува во поголем број области.
Како што соопшти ВМРО-ДПМНЕ, двајцата соговорници разговарале и за теми поврзани со регионот, актуелните случувања во државата и стратешките интереси.
Претседателот на ВМРО-ДПМНЕ го запознал амбасадорот за состојбата во државата и актуелните случувања, со особен осврт на фактот дека во Република Македонија сериозно се загрозени човековите права со политичкиот терор кој го спроведува власта.
Мицкоски пред Јазбец говорел и за лошата економска состојба, која, како што посочил е предизвикана од лошите економски политики на Владата кои се повеќе им штетат на граѓаните.
Од страна на Мицкоски било констатирано дека добрите односи со Република Словенија треба да се негуваат и унапредуваат. Исто така беше потенцирано дека на Република Македонија и се неопходни искуствата на Словенија во евроатланската интеграција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top