среда, 18 јули 2018 | Вести денес: 77 ново

Тракторист повреден во сообраќајна незгода во велешко

Тракторист е повреден вечерва околу 20:00 часот во незгода што се случила на локалниот пат село Клуковец – село Горно Оризари, велешко.

Како што информира за МИА Димитар Каракулев, од СВР Велес, станува збор за 62 – годишен маж од село Клуковец се повредил обидувајќи се да се спаси кога неговиот трактор се излизгал по патот.

По укажаната прва помош на екипа од Брза помош при ЈЗУ Здраствен дом Велес, трактористот со возилото на Брза помош бил итно пренесен во Хирушкото одделение во Велес, каде му е укажана лекарска помош.

– Констатирани се нагмечувања на меките делови на главата и лицето со огреботини и исеченици по лицето, има и исчашување на десен скочен зглоб и скршеница на потколеница. Повредениот е задржан на болничко лекување во велешката болница, информира Марина Андова портпарол на ЈЗУ Општа болница Велес.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top