четврток, 24 мај 2018 | Вести денес: 40 ново

Митко Чавков излегува од притвор

Митко Чавков излегува од притвор, судот ја прифатил гаранцијата во недвижен имот, објави „Макфакс“.

Кривичниот совет на одделението за гонење организиран криминал и корупција при Основниот суд Скопје 1 – Скопје, постапувајќи по предлог на одбраната на Чавков опфатен во обвинителниот акт поврзан со настаните од 27 април 2017 година, во Собранието, донесе решение со кое го прифати предлогот за определување мерка за обезбедување присуство – гаранција во недвижен имот.

По правосилноста на решението и запишување на гаранцијата, мерката притвор треба да се укине, а заради обезбедување присуство во текот на постапката се определуваат и мерки за претпазливост, односно привремено одземање на патната и друга исправа за преминување на државната граница и забрана за издавање нова, како и обврска обвинетиот еднаш неделно да се јавува во судот. Обвинителството може да вложи жалба на решението на кривичниот совет, што значи дека дотогаш Чавков останува во притвор.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top